Kreu i Partisë së Lirisë, Ilir Meta ka publikuar sot në “Open” deklaratën e plotë që Filip Talo, personazhi që Autoriteti i Dosjeve pretendon se e ka denoncuar me një e-mail si ish-bashkëpunëtor të Sigurimit të Shtetit.
Meta, tha se Autoriteti është kthyer në portal shtesë të Edi Ramës dhe po shpik letra false.
Ai gjithashtu iu përgjigj akuzave të Ramës se e njeh kryetaren e Autoritetit të Dosjeve dhe ia ka propozuar emërimin e saj kur ishin në koalicion, duke thënë se nuk ndan asnjë raport me të.
DEBATI NË OPEN:
Meta: Një autoritet që paska identifikuar se Meta është president dhe paska pas lidhje me sigurimin e shtetit.
Sulo: Jo se ka verifikuar e ka konstatuar.
Meta: Pa bërë hetim pa bërë asnjë gjë ka vajt direkte se ka marrë porosinë.
Sulo: po ju pse nuk e rrëzoni këtë?
Meta: Unë kam bërë padi dhe kam çuar të gjitha provat.
Sulo: Kërkoji Autoritetit të nxjerri dosjen e plotë.
Meta: S’kam asgjë për të sqaruar unë dhe s’ka dosje për Ilir Metën mo. Autoriteti po të kishte moral le ta koshte hedhur në gjyq Ilir metën se herën e fundit kur u bë President ka firmosur se mbaj përgjegjësi penale në rast mashtrimi. Autoriteti e di shumë mirë kush është I.M. se loz me inicialet. Që të jesh bashkëpunëtor duhet të kesh nja 24 pika dhe këtë e di Autoriteti. E di shumë mirë se ehe sikur të zhduket një dosje, kartela nuk zhduket kurrë. Më mirë se kushdo ja ka sqaruar se në klasën tone kemi qene 5 me inicialet I.M. Dhe dy Ilir Metaj. E sqaron deklarata autentike e personit të ndjekur, që e ka bërë në 9 mars 1990 ku ai është ndaluar dhe i është thënë se ti do arratisesh dhe atëherë i kanë nxjerrë denoncimin e shokut të klasës dhe konviktit.
Eni Vasili: Si u ka rënë në dorë kjo pjesë e dosjes.
Meta: Se personi pasi doli kjo vajti dhe pa dosjen e tij. Unë isha i interesuar se ai u cenua prej meje.
Sulo: Ju i keni pasur në klasë këta të dy zoti Meta?
Meta: Ja ta sqaroj se kjo është deklarata e tij origjinale për sigurimin e shtetit
Sulo: Ju pretendoni se është falsifikuar Ilir Murataj me Ilir Metën?
Meta: E di shumë mirë Autoriteti se ja ka sqaruar zotëria shumë mirë se kush është I.M. që e ka përgjuar dhe denoncuar.
Sulo: sipas jush në procesverbalin e Sigurimit të Shtetit ku Filip Talo thotë se është denoncuar nga I.M.
Meta: Shiko kjo është me dorë, e ka shkruar zotëria vetë. Në çdo faqe ka vulën e vetë dhe bën të qartë se ka folur vetëm me dy njerëz. Dhe bisedën për t’u arratisur nga Saranda. Edhe Autoriteti dhe Sigurimi, se ka persona që kanë punuar në sigurim në Autoritet. S’them që të gjithë anëtarët kanë faj. Shko te rruga e Kavajës, heq denoncuesin Ilir Meta dhe vë denoncuesin Eni Vasili. Ben sa të duash nga ato. Kurse kjo është bërë me firmën e tij, se ndryshon dot këtë.
Rakipllari: Po ky manipulimi kur është bërë , në çfarë kohe?
Meta: Ky manipulim është bërë gjatë periudhës që kam qenë President i Republikës dhe kam prova për këtë. Nuk është bërë në 25 gusht.
Rakipllari: Për mua kjo është shumë e qartë nga pikëpamja, për faktin që e gjithë historia është stisur kur Meta iku nga presidenca me këtë e-mailin qesharak, palaço që pamë sot. Është një gjë e stisur ndaj një personazhi politik.
Meta: Është një goditje ndaj pluralizmit politik.
Rakipllari: Ju keni bashkëpunuar gjatë me zotin Rama. Dhe ai në shkrimin që bëri tha se i keni kërkuar ju që të emërohet Genta Sula atje.
Meta: Ore zotëri ajo ka qenë zv/ministre e Partisë Socialiste. Ai donte të hiqte përgjegjësinë nga vetja se ja kanë bërë këtë. Nuk kam asnjë marrëdhënie personale, vetëm se jemi një brez dhe kemi qenë në shkollë me bashkëshortin e saj.
Rakipllari: Keni pasur dyshime për integritetin e saj?
Meta: S’kam dyshime unë për integritetin në të kaluarën, e kam për këtë sot. Si mund të vihesh ti në lëvizje me një e-mail?
